Primary Questions from Hon. Sheila Edward Lukuba (3 total)
MHE. SHEILA E. LUKUBA aliuliza: -
Je, lini Serikali itajenga mfereji mkubwa kuelekeza maji Mto Ngerengere ili kunusuru wakazi wa Kata ya Kihonda na Lukobe kwa mafuriko?
NAIBU WAZIRI WA NCHI, OFISI YA WAZIRI MKUU, TAWALA ZA MIKOA NA SERIKALI ZA MITAA (MHE. DKT. FESTO J. DUGANGE) alijibu: -
Mheshimiwa Mwenyekiti, kwa niaba ya Waziri wa Nchi Ofisi ya Waziri Mkuu, TAMISEMI, ninaomba kujibu swali la Mheshimiwa Sheila Edward Lukuba, Mbunge wa Viti Maalumu kama ifuatavyo: -
Mheshimiwa Mwenyekiti, Kata za Kihonda na Lukobe katika Halmashauri ya Manispaa ya Morogoro zimekuwa zikiathiriwa na mafuriko ya mara kwa mara nyakati za mvua. Ili kutatua changamoto hiyo, Serikali imepanga kujenga mifereji ili kuyaelekeza maji katika Mto Ngerengere. Serikali imeunda timu ya wataalamu kwa ajili ya kufanya tathimini na kuandaa andiko la mradi ambalo litaonesha mahitaji halisi na njia nzuri ya kulifanyia kazi.
Mheshimiwa Mwenyekiti, timu ya tathimini inatarajia kukamilisha kazi hiyo kabla au ifikapo Septemba 2026. Ahsante.
MHE. SHEILA E. LUKUBA aliuliza:-
Je, lini Serikali itajenga mfereji mkubwa kuelekeza maji Mto Ngerengere ili kunusuru Wakazi wa Kata ya Kihonda na Lukobe kwa mafuriko?
NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (MHE. DKT. FESTO J. DUGANGE) alijibu:-
Mheshimiwa Mwenyekiti, kwa niaba ya Waziri wa Nchi, Ofisi ya Waziri Mkuu, TAMISEMI, ninaomba kujibu swali la Mheshimiwa Sheila Edward Lukuba, Mbunge wa Viti Maalum, kama ifuatavyo:-
Mheshimiwa Mwenyekiti, Kata za Kihonda na Lukobe katika Halmashauri ya Manispaa ya Morogoro zimekuwa zikiathiriwa na mafuriko ya mara kwa mara nyakati za mvua. Ili kutatua changamoto hiyo, Serikali imepanga kujenga mifereji ili kuyaelekeza maji katika Mto Ngerengere. Serikali imeunda timu ya wataalam kwa ajili ya kufanya tathmini na kuandaa andiko la mradi ambalo litaonesha mahitaji halisi na njia nzuri ya kulifanyia kazi.
Mheshimiwa Mwenyekiti, timu ya tathmini inatarajia kukamilisha kazi hiyo kabla au ifikapo Septemba, 2026. Ahsante.
MHE. SHEILA E. LUKUBA aliuliza:-
Je, Serikali ina mpango gani wa kujenga Shule mpya za Sekondari katika Kata za Mawasiliano na Luhungo ili kupunguza msongamano wa wanafunzi?
NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA (MHE. DKT. FESTO J. DUGANGE) alijibu:-
Mheshimiwa Spika, kwa niaba ya Waziri wa Nchi, Ofisi ya Waziri Mkuu, TAMISEMI, ninaomba kujibu swali la Mheshimiwa Sheila Edward Lukuba, Mbunge wa Viti Maalum, kama ifuatavyo:-
Mheshimiwa Spika, Halmashauri ya Manispaa ya Morogoro ina kata 29 ambapo kata 28 zina shule za sekondari isipokuwa kata moja ya Luhungo ambayo haina shule ya sekondari kutokana na changamoto ya kupata eneo linalofaa kwa ajili ya ujenzi wa shule.
Mheshimiwa Spika, mwaka 2025/2026 Serikali imetenga shilingi milioni 528.99 kwa ajili ya ujenzi wa shule mpya ya sekondari katika Mtaa wa Mawasiliano uliopo Kata ya Mkundi ili kupunguza msongamano katika shule ya sekondari ya Mkundi Mlimani iliyopo katika Kata ya Mkundi ambayo kwa sasa ina jumla ya wanafunzi 2,228. Ujenzi wa shule hii utawapunguza umbali wa kufuata shule, kwa wanafunzi wanaoishi katika Mtaa wa Mawasiliano na maeneo ya jirani.
Mheshimiwa Spika, katika kuhakikisha Kata ya Luhungo inapata shule ya sekondari, Halmashauri ya Manispaa ya Morogoro imeanza kufanya mazungumzo na uongozi wa Jeshi la Wananchi, Kambi ya Mzinga ili kuona uwezekano wa kupata eneo linalokidhi vigezo kwa ajili ya ujenzi wa Shule ya Sekondari ya Kata ya Luhungo, ahsante.