Name

Tamima Haji Abass

Sex

Female

Party

CCM

Constituent

Special Seats

Primary Question

MHE. TAMIMA HAJI ABASS aliuliza: -

Je, Serikali ina mkakati gani wa kutoa elimu kuhusu uwepo wa Mfuko wa Maendeleo ya Wanawake (WDF) ili wanawake wengi zaidi wanufaike na mikopo?

Name

Maryprisca Winfred Mahundi

Sex

Female

Party

CCM

Constituent

Special Seats

Answer

NAIBU WAZIRI WA MAENDELEO YA JAMII, JINSIA, WANAWAKE NA MAKUNDI MAALUM alijibu: -

Mheshimiwa Mwenyekiti, kwa niaba ya Mheshimiwa Waziri wa Maendeleo ya Jamii, Jinsia, Wanawake na Makundi Maalum, naomba kujibu swali la Mheshimiwa Tamima Haji Abass kama ifuatavyo: -

Mheshimiwa Mwenyekiti, baadhi ya mikakati ya Serikali ya kutoa elimu kuhusu uwepo wa Mfuko wa Maendeleo ya Wanawake (WDF), ili wanawake wengi zaidi wanufaike na mikopo hiyo ni pamoja na kushirikiana na wadau mbalimbali, zikiwemo taasisi za fedha, kutoa mafunzo ya ujasiriamali na uendeshaji wa biashara kupitia makongamano ya kiuchumi ambayo hufanyika kikanda; kushirikiana na Wizara ya Fedha, Ofisi ya Waziri Mkuu, TAMISEMI, Baraza la Uwezeshaji Wananchi Kiuchumi; na kufanya mafunzo ya ujasiriamali kwa makundi ya wanawake, vijana na watu wenye ulemavu.

Mheshimiwa Mwenyekiti, vilevile, kupitia Ofisi ya Waziri Mkuu, TAMISEMI, Wizara inaendelea kuitaarifu mikoa na halmashauri juu ya uwepo wa mfuko huu na kuwaelekeza wafikishe taarifa husika kwa wananchi kupitia njia mbalimbali za mawasiliano, pamoja na kupitia majukwaa ya Mamlaka ya Serikali za Mitaa na wananchi, ambapo watekelezaji wakuu wa kazi za mfuko huu ni Maafisa Maendeleo ya Jamii ngazi zote.