Bunge la Tanzania
Jamhuri ya Muungano ya Tanzania
| Term | Session | Sitting | Sector | Ministry | Qn No | Date |
|---|---|---|---|---|---|---|
| 2025-2030 | Session 3 | Sitting 39 | Water and Irrigation | Wizara ya Maji | 466 | 2026-05-29 |
Name
Zacharia Paulo Issaay
Sex
Male
Party
CCM
Constituent
Mbulu Mjini
Primary Question
MHE. CECILIA D. PARESSO K.n.y. MHE. ZACHARIA P. ISSAAY aliuliza:-
Je, Serikali imefikia hatua gani katika kutekeleza Mradi wa Maji wa Kimkakati wa Tsoray katika Tarafa ya Nambis - Mbulu Mjini?
Name
Kundo Andrea Mathew
Sex
Male
Party
CCM
Constituent
Bariadi Mjini
Answer
NAIBU WAZIRI WA MAJI alijibu: -
Mheshimiwa Mwenyekiti, kwa niaba ya Mheshimiwa Waziri wa Maji naomba kujibu swali la Mheshimiwa Zacharia Paulo Issaay, Mbunge wa Jimbo la Mbulu Mjini kama ifuatavyo: -
Mheshimiwa Mwenyekiti, Serikali bado inaendelea na utafutaji wa fedha zaidi ya shilingi bilioni 70.1 kwa ajili ya kuanza utekelezaji wa mradi wa maji wa kimkakati wa Tsoray uliopo Tarafa ya Nambis, Wilaya ya Mbulu Mkoani Manyara. Miongoni mwa kazi zinazotarajiwa kutekelezwa kupitia mradi huo ni pamoja na ujenzi wa chanzo cha maji chenye uwezo wa kuzalisha maji lita milioni 13.6 kwa siku, ujenzi wa nyumba ya mitambo (pump house), ununuzi na ufungaji wa pampu nne za kusukuma maji, sanjali na ujenzi wa vituo 160 vya kuchotea maji.
Mheshimiwa Mwenyekiti, mradi huo unalenga kunufaisha zaidi ya wananchi 109,228 wa Wilaya ya Mbulu.
Copyright © Bunge Polis 2026. All Rights Reserved