Bunge la Tanzania
Jamhuri ya Muungano ya Tanzania
| Term | Session | Sitting | Sector | Ministry | Qn No | Date |
|---|---|---|---|---|---|---|
| 2025-2030 | Session 3 | Sitting 47 | Home Affairs | Wizara ya Mambo ya Ndani ya Nchi | 562 | 2026-06-10 |
Name
Zuberi Yahya Mfaume
Sex
Male
Party
CCM
Constituent
Morogoro Kusini
Primary Question
MHE. ABUBAKARI D. ASENGA K.n.y. MHE. ZUBERI Y. MFAUME aliuliza: -
Je, lini Serikali itajenga upya Kituo cha Polisi Mtamba kilichobomoka mwaka 2014 na shughuli zake kufanyika katika ofisi ya kijiji?
Name
Mohammed Mahmoud Ayoub
Sex
Male
Party
CCM
Constituent
Chaani
Answer
NAIBU WAZIRI WA MAMBO YA NDANI YA NCHI alijibu: -
Mheshimiwa Mwenyekiti, kwa niaba ya Waziri wa Mambo ya Ndani ya Nchi napenda kujibu swali la mheshimiwa Zuberi Yahya Mfaume, Mbunge wa Morogoro Kusini, kama ifuatavyo: -
Mheshimiwa Mwenyekiti, Serikali inaendelea na ujenzi wa Kituo cha Polisi cha Mtamba, Kata ya Kisemu baada ya kituo cha awali kubomoka kutokana na uchakavu. Ujenzi wa kituo kipya umefikia kwenye hatua ya umaliziaji ambapo kazi iliyobaki ni kuweka vioo vya madirisha na mifumo ya maji safi na maji taka na fedha kiasi cha shilingi 13,000,000 kinahitajika. Fedha hizo zitatolewa na Ofisi ya Kamanda wa Polisi Mkoa wa Morogoro mwezi Julai, 2026.
Mheshimiwa Mwenyekiti, naomba kuwasilisha.
Copyright © Bunge Polis 2026. All Rights Reserved