Bunge la Tanzania
Jamhuri ya Muungano ya Tanzania
| Term | Session | Sitting | Sector | Ministry | Qn No | Date |
|---|---|---|---|---|---|---|
| 2025-2030 | Session 3 | Sitting 47 | Livestock , Fisheries, Agriculture, Food Security and Cooperatives | Wizara ya Kilimo | 565 | 2026-06-10 |
Name
Alan Thomas Mvano
Sex
Male
Party
CCM
Constituent
Kakonko
Primary Question
MHE. ALAN T. MVANO aliuliza: -
Je, lini Serikali itapeleka zana za kilimo katika Wilaya ya Kakonko ili kuongeza tija katika uzalishaji wa mazao ya kilimo?
Name
David Ernest Silinde
Sex
Male
Party
CCM
Constituent
Tunduma
Answer
NAIBU WAZIRI WA KILIMO alijibu: -
Mheshimiwa Mwenyekiti, ahsante sana, Serikali kupitia Wizara ya Kilimo inaendelea kutekeleza mpango wa uanzishaji wa vituo 1,000 vya kutoa huduma ya zana za kilimo kwa wakulima katika ngazi ya kata ifikapo mwaka 2030. Lengo likiwa ni kusogeza na kuwawezesha wakulima kupata huduma za zana za kilimo kwa wakati na gharama nafuu ili kuongeza uzalishaji na tija.
Mheshimiwa Mwenyekiti, katika kutekeleza hilo, Wizara imeanzisha vituo 79 katika halmashauri mbalimbali nchini na utekelezaji unaendelea. Aidha, trekta 340 zimenunuliwa na kusambazwa katika vituo hivyo ili kuwezesha upatikanaji wa huduma za zana za kilimo kwa wakulima.
Mheshimiwa Mwenyekiti, katika mwaka 2026/2027 Wizara inaendelea na ununuzi wa zana za kilimo kwa ajili ya kuimarisha na kuanzisha vituo vya kutoa huduma za zana za kilimo kwenye halmashauri mbalimbali ikiwemo Kankoko ili kusogeza huduma na kuhamasisha matumizi ya zana za kilimo nchini.
Copyright © Bunge Polis 2026. All Rights Reserved