Name

Prof. Joyce Lazaro Ndalichako

Sex

Female

Party

CCM

Constituent

Kasulu Mjini

Primary Question

MHE. PROF. JOYCE L. NDALICHAKO aliuliza:-

Je, Serikali ina mpango gani wa kutatua changamoto ya uhaba wa Watumishi wa Kada ya Afya katika Halmashauri ya Mji wa Kasulu?

Name

Dr. Festo John Dugange

Sex

Male

Party

CCM

Constituent

Wanging'ombe

Answer

NAIBU WAZIRI, OFISI YA WAZIRI MKUU, TAWALA ZA MIKOA NA
SERIKALI ZA MITAA (MHE. DKT. FESTO J. DUGANGE) alijibu: -

Mheshimiwa Mwenyekiti, kwa niaba ya Waziri wa Nchi, Ofisi ya Waziri Mkuu, TAMISEMI, ninaomba kujibu swali la Mheshimiwa Prof. Joyce Lazaro Ndalichako, Mbunge wa Jimbo la Kasulu Mjini, kama
ifuatavyo: -

Mheshimiwa Mwenyekiti, katika kipindi cha mwaka 2020/2021 hadi mwaka 2025/2026 jumla ya watumishi wa kada za afya 37,921
wameajiriwa na kupangiwa vituo vya kazi katika Mamlaka za Serikali
za Mitaa. Halmashauri ya Mji Kasulu ina mahitaji ya watumishi wa Kada za afya 868 waliopo ni 343, sawa na 40% na upungufu ni
watumishi 525 sawa na 60%.

Mheshimiwa Mwenyekiti, katika mwaka 2025/2026 Serikali imeajiri
jumla ya wataalam wa kada za afya 5,000 na kuwapanga katika
Halmashauri zenye upungufu, ikiwemo Halmashauri ya Mji wa Kasulu
iliyopangiwa watumishi 31.

Mheshimiwa Mwenyekiti, Serikali itaendelea kutenga bajeti na kuajiri wataalam wa kada mbalimbali za Afya na kuwapanga katika halmashauri zenye upungufu nchini ikiwemo Halmashauri ya Mji wa
Kasulu, ahsante.