Jamhuri ya Muungano ya Tanzania

Primary Question

Term Session Sitting Sector Ministry Qn No Date
2025-2030 Session 3 Sitting 27 Energy and Minerals Wizara ya Nishat 315 2026-05-12

Name

Hasnain Gulamabbas Dewji

Sex

Male

Party

CCM

Constituent

Kilwa Kusini

Primary Question

MHE. HASNAIN G. DEWJI aliuliza:-

Je, mpaka sasa Visima Vingapi vya Gesi Asilia Vimechimbwa katika Kisiwa cha Songo Songo, na upi mpango wa kuongeza uzalishaji wa gesi?

Name

Salome Wycliffe Makamba

Sex

Female

Party

CHADEMA

Constituent

Special Seats

Answer

NAIBU WAZIRI WA NISHATI alijibu:-

Mheshimiwa Mwenyekiti, kwa niaba ya Mheshimiwa Waziri wa Nishati, ninapenda kujibu swali la Mheshimiwa Hasnain Gulamabbas Dewji, Mbunge wa Kilwa Kusini, kama ifuatavyo:-

Mheshimiwa Mwenyekiti, Kitalu cha Songo Songo kina jumla ya visima 12 ambapo Serikali kupitia Shirika la Maendeleo ya Petroli Tanzania (TPDC) imechimba visima tisa na Kampuni binafsi ya Pan African Energy Tanzania imechimba visima vitatu.

Mheshimiwa Mwenyekiti, Kitalu cha Songo Songo kinaendelea na uzalishaji wa gesi asilia ambapo kinazalisha wastani wa futi za ujazo milioni 84.7 kwa siku kulingana na uhitaji. Aidha, kutokana na leseni ya sasa kufikia ukomo mwezi Oktoba 2026, Timu ya Majadiliano ya Serikali (GNT) inafanya majadiliano na Mwekezaji Kampuni ya Pan African kuhusu uwezekano wa kuongeza kipindi cha pili cha leseni ya uendelezaji wa gesi asilia katika kitalu hiki.

Mheshimiwa Mwenyekiti, mara baada ya majadiliano kukamilika, TPDC na Pan African wataendelea na mpango wa uchorongaji wa visima zaidi. Ninaomba kuwasilisha.