Jamhuri ya Muungano ya Tanzania

Primary Question

Term Session Sitting Sector Ministry Qn No Date
2025-2030 Session 3 Sitting 27 Energy and Minerals Wizara ya Nishat 316 2026-05-12

Name

Abdallah Dadi Chikota

Sex

Male

Party

CCM

Constituent

Nanyamba

Primary Question

MHE. ABDALLAH D. CHIKOTA aliuliza: -

Je, lini usambazaji wa gesi asilia majumbani katika Jimbo la Nanyamba utaanza?

Name

Salome Wycliffe Makamba

Sex

Female

Party

CHADEMA

Constituent

Special Seats

Answer

NAIBU WAZIRI WA NISHATI alijibu: -

Mheshimiwa Mwenyekiti, kwa niaba ya Mheshimiwa Waziri, ninapenda kujibu swali la Mheshimiwa Abdallah Dadi Chikota, Mbunge wa Nanyamba, kama ifuatavyo: -

Mheshimiwa Mwenyekiti, Serikali inaendelea na utekelezaji wa miradi mbalimbali ya usambazaji wa gesi asilia nchini hususan katika Mikoa ya Mtwara, Lindi, Pwani na Dar es Salaam ambapo hadi kufikia Aprili, 2026 jumla ya nyumba 2,512 zimeunganishwa na miundombinu ya gesi asilia katika mikoa tajwa. Aidha, jumla ya nyumba 1,000 zimepangwa kuunganishwa kwa mwaka huu wa fedha 2026/2027.

Mheshimiwa Mwenyekiti, utekelezaji wa miradi hii ni endelevu, na unatarajiwa kufika sehemu mbalimbali nchini ikiwemo katika Jimbo la Nanyamba kwa Mheshimiwa Mbunge, kwa kuzingatia mahitaji, umbali kutoka ilipo miundombinu ya usafirishaji wa gesi asilia na upatikanaji wa fedha za kutekeleza miradi. Ninaomba kuwasilisha.